Perezida Zelenskyy yabinyujije kuri konti ye ya X, agaragaza ko Lt Gen Gen Oleh Ivashchenko yumva neza imirimo y’ubutasi n’intego igihugu gifite muri iki gihe.

Yagize ati “Mu bihe by’intambara hari ibibazo bitareba abaturage rusange ubutasi buba bugomba kumenya byihuse kandi neza. Ukraine igomba kugira imbaraga ahantu hose ubutegetsi bwa Putin bushatse kungukira.”

Yahamije ko ubutasi bwa Ukraine bugomba gukorera mu bihugu byose iki gihugu gifitemo icyungu cyanwa aho gishobora kuzigira.

Ati “Ahantu hose ubutegetsi bwa Putin bushaka kuvana inyungu, zigomba gutsindirwa na Ukraine.”

Mu 2021, Oleh Ivashchenko yari yagizwe umwungiriza wa mbere w’umuyobozi mukuru mu rwego rwa gisirikare rushinzwe ubutasi muri Ukraine.

Perezida Zelenskyy yashyizeho Lt Gen Oleh Ivashchenko nk’umuyobozi mukuru ushinzwe ubutasi mpuzamahanga