Iyo myitozo yari imaze umwaka iri kubera mu Kigo cy’imyitozo cya Gisirikare cya Nasho mu Burasirazuba bw’u Rwanda.

Umuhango wo gusoza iyo myitozo witabiriwe n’Umugaba Mukuru w’Ingabo z’u Rwanda, Gen Jean Bosco Kazura. Urwo rubyiruko rw’abahungu n’abakobwa, rwagaragarije ubuyobozi bw’Ingabo z’u Rwanda ubumenyi mu gukoresha intwaro n’ibindi bize.

Mu ijambo rye, Gen Kazura yabashimiye amahitamo meza bakoze yo kuba bamwe mu bagize umuryango mugari w’Ingabo z’u Rwanda wiyemeje kurinda igihugu n’abagituye.

Ati “Nta kabuza ko muzagera kuri iyo ntego mukorana ikinyabupfura binyuze mu byo mwize nk’uko mwabigaragaje uyu munsi.”

Umwe mu basoje amasomo, Pte Uwizeyimana Mwadjuma, yatangaje ko yatewe ishema no kwinjira mu Ngabo z’u Rwanda.

Imyitozo y'ibanze bari bamazemo umwaka yabahesheje kwinjira mu Gisirikare cy'u Rwanda

Basabwe kuzarangwa n'ikinyabupfura mu nshingano zabo zo kurinda u Rwanda n'abarutuye

Imyitozo njyarugamba ni imwe mu yo bahawe mu mwaka bari bamaze i Nasho

Batojwe kugendera ku migozi nka kimwe gishobora kubafasha guhangana n'umwanzi

Mu mwaka bamaze muri iyi myitozo, aba basirikare bagaragaje ubushobozi bw'imbaraga z'umubiri mu guhangana n'ibigeragezo

Mu myitozo ikomeye bakoze, harimo n'iyo kurwanira mu mazi

Umugaba Mukuru w’Ingabo z’u Rwanda, Gen Jean Bosco Kazura (ubanza iburyo) ari kumwe na Gen Maj Martin Nzaramba (hagati) na Lt Gen Mubarak Muganga

Bashimiwe amahitamo meza bakoze yo kwinjira mu muryango mugari w'Ingabo z'u Rwanda

Bashimiwe amahitamo meza bakoze yo kwinjira mu muryango mugari w'Ingabo z'u Rwanda