Abanyarwanda bo muri Diaspora Belgique batangiye kugera Toronto muri Rwanda Day

Yanditswe na

Karirima A. Ngarambe-IGIHE/Belgique

Kuya 27 Nzeri 2013 saa 01:24
Yasuwe :
0 0

Bamwe mu banyarwanda bagize diaspora nyarwanda yo mu Bubiligi batangiye gushyika muri Canada mu gikorwa cya Rwanda Day iri butangire mu masaha ari imbere mu mujyi wa Toronto.
Aimable Ndayambaje umuyobozi wa sosiyete “MIZIGO Africa CARGO” akaba n’umwe mu baturutse muri Diaspora yo mu Bubiligi, akaba no muri Rwanda Day ya London yari yitabiriye, yavuze ko ashimishijwe no kuba ubu ari i Toronto, muri Canada mu rwego rwo kwagura imikorere ya sosiyete ye,“MIZIGO Africa CARGO” no guhura n’abandi (...)

Bamwe mu banyarwanda bagize diaspora nyarwanda yo mu Bubiligi batangiye gushyika muri Canada mu gikorwa cya Rwanda Day iri butangire mu masaha ari imbere mu mujyi wa Toronto.

Aimable Ndayambaje umuyobozi wa sosiyete “MIZIGO Africa CARGO” akaba n’umwe mu baturutse muri Diaspora yo mu Bubiligi, akaba no muri Rwanda Day ya London yari yitabiriye, yavuze ko ashimishijwe no kuba ubu ari i Toronto, muri Canada mu rwego rwo kwagura imikorere ya sosiyete ye,“MIZIGO Africa CARGO” no guhura n’abandi bashoramari.

Avuga ko muri rusange bizamufasha no guhura n’Abanyarwanda batuye Amerika ya ruguru abamurikire serivise nshya abazaniye, akaba yizera ko iyi gahunda ya “Rwanda Day Toronto 2013” izababera ihuriro ryo kungurana ibitekerezo no kuganira n’abayobozi bakuru b’igihugu bayobowe na Perezida Paul Kagame bakarushaho guhabwa amakuru nyayo y’aho u Rwanda rugeze.

Ndayambaje yakomeje avuga ko we n’ikipe ayoboye y’abakozi ba MIZIGO Africa CARGO, bamaze kugera muri Canada kuva kuwa Gatanu tariki 20 nzeri 2013, mu rwego rwo kuzahahurira n’abandi banyarwanda, mu gutegura Rwanda Day muri America y’amajyaruguru kuri uyu wa 28 Nzeri.

Ndayambaje akomeza agira ati: “Dufite intego yo kubonana n’ama Kompanyi y’indege ndetse n’amato atwara imizigo na za Containers n’amamodoka.”

Umuyobozi wa Mizigo Africa Cargo hamwe n'umuhanzi nyarwanda ukorera umuziki muri Canada, De Gaulle, bifotoreza muri Canada nyuma yo gushyika

Uyu muyobozi wa MAC, akaba yifuza ko bakorana amasezerano abahuza mu mikoranire, kuburyo Abanyarwanda ndetse n’abandi Banyafurika baba muri Canada na Amerika y’amajyaruguru, mu migi nka Montréal, Québec, Ottawa, Toronto, Edmonton na Vancouver, babasha kujya bohereza ibintu mu bihugu baturukamo mu buryo bwihuse kandi buhendutse no mu mutekano wizewe kandi usesuye.

Ndayambaje avuga ko intego nyamukuru bafite ari ugukoresha indege zihuta, imitwaro inyuze mu Kirere ikagera muri Afurika y’uburasirazuba mu masaha 72 " byibura, naho ibinyuze mu mato manini bikamara iminsi 40.

Akomeza avuga ko ubu barimo baca muri iyo migi yo muri Amerika y’Amajyaruguru bashaka kandi bategura abo bazakorana nabo, babaha n’amahugurwa. Ndayambaje akanemeza ko mu gihe gito bazaba bafunguye ibiro mu mujyi wa Montréal muri Canada.

Mu byo bifuza, guhura n’abandi abantu babyifuza bari mu mijyi itandukanye nko muri Leta zunze ubumwe za Amarika ndetse n’ahandi muri ako karere bifuza kuba bahagararira sosiyete « MIZIGO Africa CARGO » mu mikoranire "Franchise" ko babagana bakagirana amasezerano.

Uretse Ndayambaje n’isosiyete ye, i Toronto haranategenywa igikorwa kizahuza abashoramari b’abanyarwanda ndetse n’abo muri Amerika ya ruguru ngo baganire bungurane ku mikorere yarushaho kubateza imbere bose ndetse no kongera ishoramari mu Rwanda nk’uko urugaga rw’abikorera PSF ruherutse kubitangaza.

Aimable Ndayambaje, umuyobozi wa Mizigo ageze Toronto aho yitabiriye Rwanda Day

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .