Ibi bihembo byateguwe na SupraFamily Ltd isanzwe itegura amarushanwa atandukanye ateza imbere abanyempano bashya nka Supra Voice, Rwanda Influencers Award, Miss Supranational n’andi.

Ibirori byo gutanga ibihembo byabereye kuri Century Park i Nyarutarama ku mugoroba wo ku wa 19 Ugushyingo 2022. Ni umugoroba wahiriye Semana Cynthia kuko ni we wegukanye umwanya wa mbere.

Semana wahize abandi yahawe ibihembo birimo 1.000.000Frw, akazishyurirwa urugendo rumutembereza Dubai n’Ikigo cyo muri Nigeria gitembereza ba mukerarugendo, Wizygbe Tours.

Iki kigo kandi kizamufasha gutembera no kumuhuza n’abanyamideli bubatse izina i Dubai. Icyiyongera kuri ibyo azashakirwa ikigo mpuzamahanga kizamufasha kwagura impano ye kinamuhuze n’inzu mpuzamahanga z’imideli.

Mu ntego z’irushanwa harimo no kumenyekanisha ubukerarugendo bw’imbere mu gihugu, ari yo mpamvu Rudasingwa Teddy wabaye uwa kabiri yahembwe kuzatemberezwa ibice bitandukanye mu Rwanda, hakiyongeraho no guhabwa 300.000 Frw

Mutesi Ruth wari ufite abafana benshi yegukanye umwanya wa gatatu ahabwa igihembo cyiswe ‘Face Of Africa’ giherekejwe na 300.000 Frw.

Usibye guhemba abamurika imideli kandi hatanzwe n’ibindi bihembo byo gushimira abagira uruhare mu iterambere ry’imideli mu Rwanda.

Muri iki cyiciro cyiswe ‘Best Model’ uwahize abandi mu gutambuka mu mideli yabaye Umufite Anipha wabaye Igisonga cya Gatatu cya Miss Supranational Rwanda 2019.

Umuhanzi mwiza w’imideli yabaye Patrick Muhire washinze Inkanda House mu gihe umunyamakuru mwiza w’inkuru z’imideli, yabaye Mukahirwa Diane wa IGIHE.

Ukora makeup zo mu mideli uwahize abandi yabaye Umurungi Nadia, uwafashe amafoto meza y’imideli aba Muhizi Serge washinze studio y’amafoto ya Elevatix studio afatanyije Promesse Kamanda.

Umunyamideli Kabano Franco wari ku ntebe y’abagize akanama nkemurampaka, akaba n’Umuyobozi wa WBM (Webest model) yahawe igihembo cya ‘Achievement Awards’ ashimirwa uruhare agira mu gufasha abanyamideli bo mu Rwanda kwitabira imurikwa ry’imideli hirya no hino ku Isi.

Abafana bari benshi muri ibi birori

Ababishoboye banyuzagamo bakabyina indirimbo zacuranzwe muri ibi birori

Abakunzi b'ibirori by'imideli banyuzwe n'imideli yamuritswe

Abanyamideli bakiri bato bahawe ibihembo bigamije kubashyigikira no kuzamura impano yabo mu kuyimurika

Abakunzi b'imideli bari bitabiriye ku bwinshi

Abanyamideli batanu ba mbere mu mwambaro wa Inkanda House

Byari ibyishimo kuri aba banyamideli bashya

Diane Mukahirwa yahembwe nk'umunyamakuru uhiga abandi mu gukora inkuru z'imideli

Ibi bihembo byateguwe na SupraFamily Ltd isanzwe itegura amarushanwa atandukanye ateza imbere abanyempano bashya

Kayumba Abdoul Karim mu mwambaro wa Bondi Design

Miss Umunyana Shanitah yitegereza uko abanyamideli batambuka

Miss Umunyana Shanitah ubwo yatangaga ibihembo ku batsinze

Muhizi Serge yahawe igihembo cy'uwafashe amafoto meza y’imideli

Mutesi Ruth yishimiwe na benshi muri ibi birori

Umunyamakuru Mukahirwa Diane ubwo yakiraga igihembo

Mutesi Ruth wari ufite abafana benshi muri ibi birori yegukanye umwanya wa gatatu

Semana Cynthia ni we wahize abandi mu iri rushanwa

Semana Cynthia wabaye uwa mbere

Semana Cynthia yateruwe n'abakunzi be bishimira intsinzi yabonye

Ukora makeup zo mu mideli wahize abandi yabaye Umurungi Nadia

Semana Cynthia ni we wahize abandi mu iri rushanwa

Umunyamideli Kabano Franco yashimiwe ku ruhare agira mu guteza imbere abanyamideli

Umunyamideli Ngarambe Prince mu mwambaro wa Hadra Design

Umunyana Shanitah ufite ikamba rya Miss East Africa 2021 yari yitabiriye ibi birori

Umwambaro wa Bondi Design wishimiwe cyane

Umwambaro wa Hadra Design wanyuze benshi

Amafoto: Rwema Derrick