00:00:00 IGIHE NETWORK KN KINYARWANDA EN ENGLISH FR FRANCAIS

Imyenda myiza yo kurimbana mu gihe cy’ubukonje

Yanditswe na Uwase Divine
Kuya 1 April 2022 saa 09:07
Yasuwe :

Ukwezi kwa kane kwageze. Ni kumwe mu mezi abangamira bamwe cyane cyane abadakunda ubukonje, kuko iminsi myinshi imvura izindukira ku muryango.

Ibikorwa bya buri munsi byo ntibihagarara, no kurimba niko bigenda nubwo usanga benshi bagorwa no kumenya imyenda bahitamo mu bihe nk’ibyo bitamenyerewe.

Mu gihe cy’imvura usanga abantu bifubitse icyo aricyo cyose bumva ko ntawe ubyitayeho, cyangwa ko kubera ubukonje, wakoresha icyo ubonye hafi.

Nyamara buri gihe n’icyacyo. Mu bukonje hari uburyo bwiza bwo kwambara ntiwicwe n’imbeho kandi ukubonye akakurangamira.

Nko ku mukobwa, mu gihe cy’imvura cyangwa ubukonje ni byiza kwambara imyambaro igufashe, igera hasi y’amavi cyangwa inarengaho gato, ukarenzaho ikoti rirerire ry’ibara rimwe, ubundi ugashyiraho isakoshi yawe.

Si ibyo gusa kuko wakwambara n’ijipo y’uruhu (cuir) y’umukara cyangwa irindi bara, ugashyiraho umupira unize ijosi w’amaboko maremare, w’umukara.

Uba wambaye neza bijyanye n’ubukonje, ariko no mu kazi cyangwa ahandi ugiye ukahatambuka neza.

Iyo ugiye mu munsi mukuru wiyubashye biragora ko usanga abantu batifubitse kenshi ngo batica style. akenshi imbeho ikabica bapfiriye ifiyeri.

Icyo gihe wifashisha ikote rijyanye n’ikanzu wambaye, ariko bitandukanye amabara kandi ari rirerire.

Ikote iyo ushatse ushyiramo amaboko yose ukirinda gufunga imbere, cyangwa ukayarekera imbere, gusa si byiza nko kuba washyiramo amaboko yose ukamanura intugu ukageza ku maboko, igice cyo hejuru kikagaragara.

Mu gihe cy’imbeho kandi ushobora kugenda wiyambariye ipantalo y’ikoboyi n’umupira wo kwifubika w’ingofero [jumper], n’inkweto zifunze. Yaba ku mukobwa cyangwa ku bahungu birashoboka.

Iyo ubyambaye uba usa neza kandi wirinze ubukonje.

Mu gihe usohotse wakwifashisha ipantalo y’umukara cyangwa ikoboyi y’ubururu, ugashyiraho ikote rirerire cyangwa rigufi bitewe n’iryo ufite, hamwe n’inkweto ndende zinagera mu mavi. Ubishatse warenzaho furari (foulard) nini.

Mu gihe ugiye guhura n’abantu nk’inama n’ahandi ku mukobwa, wakoresha ijipo ndende n’inkweto za bote, ukarenzaho ishati ifite amaboko maremare ifite uruhu rukomeye.

Ipantaro ya ‘boyfriend’ na yo kubera ubunini bwayo irashyuha, ukayambarana n’umupira w’imbere ugera mu ijosi n’umupira ukozwe mu ndodo ufunguye imbere, muremure, ukambara n’inkweto zifunze n’amasogisi.

Ijipo ndende hamwe n'ishati ni bimwe mu byo wakwambara mu gihe cy'ubukonje
Ikanzu igufashe n'ikote rirerire biri mu byo wakwambara
Ushobora gusohokana n'inshuti zawe wambaye utya mu gihe cy'ubukonje ukahacana umucyo
Imwe mu myenda wajyana ahantu nko gusohoka mu gihe cy'ubukonje
Ikanzu igufashe ifite ingofero kandi ikoze mu bimeze nk'ubwoya ijyana n'ibihe by'imbeho
Imyenda wakorana siporo cyangwa ukayirimbana bitewe n'aho ugiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .