Iyi myambaro yayimuritse mu birori by’imideli by’umwihariko byabereye i Londres, aho ku nshuro ya mbere yabaye umwe mu bamurika imyambaro y’iyi nzu iri mu zikomeye ku Isi.

Ines Pamela yageze kuri iyi ntambwe biturutse mu masezerano y’akazi afitanye n’Ikigo mpuzamahanga gifasha abamurika imideli IMG Worldwide.

Uyu munyarwandakazi w’imyaka 19 yavuze ko ibi ari ibyishimo bidasanzwe kuba yabashije gukorana n’iyi nzu y’imideli iri mu zikomeye ku Isi.

Ines Pamela ni umwe mu banyamideli bafashijwe na ‘Webest Model Management’, urugendo rwe ku ruhando mpuzamahanga rwatangiye mu 2021, ubwo yitabiraga Paris Fashion Week amurika imyambaro ya Valentino, Miu Miu na Hermes.

Mu 2022 ntiyigeze ahagarara kuko yitabiriye ibirori bitandukanye by’imideli nka Milan Fashion Week yerekana imyambaro ya Bottega Veneta no muri Paris Fashion Week mu myambaro ya Balmain

Ines Pamela avuga ko inzozi ze ari ugukora ubucuruzi ndetse no kureshya abashoramari bo hanze bakaza gushora imari mu ruganda rw’imideli mu Rwanda.

Pamela mu myambaro ya Izubaa

Pamela mu myambaro ya Alexander McQueen

Mu 2022 Ines Pamela ubwo yitabiraga Paris Fashion Week mu myambaro ya Balmain

Intego za Ines Pamela ni ugushishikariza abanyamideli b'abanyamahanga gushora imari mu Rwanda

Ines Pamela ku myaka 19 amaze guhirwa n'inzira yahisemo yo kumurika imideli

Iyi ni imyambaro ya Louis Vuitton yamuritswe na Ines Pamela