00:00:00 IGIHE NETWORK KN KINYARWANDA EN ENGLISH FR FRANCAIS

Icyogajuru cy’u Bushinwa kiri kuri Mars cyohereje amafoto

Yanditswe na Umutoni Rosine
Kuya 13 June 2021 saa 07:08
Yasuwe :

U Bushinwa bwashyize hanze amafoto yafashwe n’icyogajuru giherutse koherezwa ku mubumbe wa Mars mu bushakashatsi.

Kuwa Gatanu nibwo u Bushinwa bwashyize hanze amafoto yafashwe n’icyogajuru Zhurong kimaze iminsi kuri uwo mubumbe udatuwe, bikaba ari ikimenyetso cy’iterambere mu bushakashatsi ku isanzure icyo gihugu kigezeho.

U Bushinwa nicyo gihugu cya kabiri kigeze kuri Mars nyuma y’abashakashatsi bo muri Leta Zunze Ubumwe za Amerika.

Amashusho Zhurong yohereje ni aya kabiri nyuma y’andi yoherejwe muri Gicurasi uyu mwaka.

Amafoto mashya yafashwe arimo agaragaza agace gakikije aho icyo cyogajuru cyururukiye, n’andi yafashwe kiri gutembera kuri Mars.

Hari indi foto yafashwe igaragaza ubutaka bwo kuri Mars n’ibisate by’urutare ndetse n’umucanga mwinshi. Indi foto ni igaragaza akantu icyogajuru Zhurong cyururukiyeho n’ibendera ry’u Bushinwa hafi aho.

Biteganyijwe ko Zhurong izamara amezi atatu kuri Mars mu bushakashatsi bugamije kumenya niba uwo mugabane warigeze guturwaho n’ibindi biremwa.

Ibiro Ntaramakuru by’Abashinwa, Xinhua byatangaje ko ibizava mu bushakashatsi bizatangarizwa isi yose.

Imwe mu mafoto Zhurong yohereje agaragaza ubutaka bwo kuri Mars
Akantu Zhurong yururukiyeho kuri Mars kariho ibendera ry'u Bushinwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .