Byari bisanzwe bimenyerewe ko isengesho rusange ryo kwizihiza Eid al-Fitr ribera kuri Stade ya Kigali i Nyamirambo no mu tundi duce two hirya no hino mu gihugu.
Warangwaga no kubona urujya n’uruza rw’Abayisilamu bambaye amakanzu y’urwererane, ubabona bose bafite akanyamuneza ku maso, basuhuzanya ubutitsa indamukanyo yifurizanya Eid el-Fitr nziza bagira bati “Eid Mubarak”.
Kuri iyi nshuro uyu munsi iri sengesho ryizihirijwe kuri Televiziyo na Radio by’Igihugu, kubera ingamba zafashwe mu guhangana n’ikwirakwira rya Coronavirus.
Isengesho ryo kuri uyu wa 24 Gicurasi 2020 ryayobowe na Mufti w’u Rwanda, Sheikh Hitimana Salim. Abayoboke b’Idini ya Islam bakaba barikurikiye bari mu ngo zabo kuko batashoboraga kujya mu misigiti kuko amakoraniro y’abantu benshi atemewe.
Mu butumwa bwe, Sheikh Hitimana yikije ku kwimakaza ubucuti hagati y’Abayisilamu na bagenzi babo.
Yanabibukije ko bakwiye kubahiriza ingamba zashyizweho na Guverinoma hagamijwe gukomeza kwirinda Coronavirus, anabasabira kugira ubuzima bwiza.
Isengesho ryanyuze ku bitangazamakuru by’igihugu ryishimiwe cyane ndetse bamwe bagaragaza ko ari intambwe ikomeye yatewe bitandukanye n’uko byakorwaga hambere.
Abinyujije ku rukuta rwe rwa Twitter, Abdul K. Harelimana, uri mu bagize Urwego Ngishwanama n’Inararibonye z’u Rwanda, REAF, yavuze ko “Ntibyigeze bibaho kuri Repubulika ya Mbere n’iya Kabiri guha agaciro Umunsi wa Iddi. Ni nkaho ntacyabaga cyabaye. Ntibyashyirwaga mu itangazamakuru rya Leta. Ni ishimwe ku Rwanda rushya kuko kuva mu 1994, isengesho ryerekanwa mu buryo bw’ako kanya.’’
Eid al-Fitr ni umunsi uba ari ikiruhuko ku bakozi bose mu Rwanda, inshuti n’abavandimwe bakishimana n’abayisilamu kuri uwo munsi mukuru.
Igisibo ni rimwe mu mahame atanu ya Islam risaba abayoboke baryo kwigomwa amafunguro, ibinyobwa mu bihe bisanzwe n’ibindi bibashimisha bakarangamira Imana. Gusa bemerewe gufata ifunguro izuba rirenze no mu rukerera.
@islamrwanda @MuftiRwanda It never happened in the so called 1st&2nd Republics of #Rwanda to give the importance to 2 Idd's. As if nothing was going on,they were not even in news of public media. It's thanks to NEW RWANDA since 1994 that there's live broadcast of the prayers. pic.twitter.com/LOkhalcOgz
— Abdul K. Harelimana (@HarelimanaAK) May 24, 2020
The Rwanda Muslim Community is proudly and thankful to the @rbarwanda for giving Muslims the opportunity to follow Eidil Fitri prayer on @Radiorwanda_RBA and @RwandaTV #RBAHafiYawe #EidAtHome https://t.co/sksG035jaf
— Islamrwanda (@islamrwanda) May 24, 2020
#Rwanda: @rbarwanda (@RwandaTV@Radiorwanda_RBA) broadcasts #EidUlFitr
Prayer led by Mufti/RMC inside #RTV studio instead of mosque while all #Muslims performed the prayers at home due to #Covid19 prevention measures in place. Feel blessed to work @rbarwanda
Thank you @aasiimwe pic.twitter.com/IpfUJSshDl— HAKIZIMANA Saadah (@hakisaada) May 24, 2020
TANGA IGITEKEREZO