The Ben na Pamella babanje gufata amafoto mbere yo guhabwa ibyicaro, mu muhango witabiriwe n’inshuti, imiryango baturutse hirya no hino ku isi. Hari abaturutse muri Canada, Leta zunze ubumwe z’Amerika, u Burundi, Uganda, Kenya, Tanzania n’ahandi.

Umuhanzi Meddy usanzwe afatwa nk’umuvandimwe wa The Ben yagize inzitizi ntiyaboneka ariko agenera ubutumwa The Ben na Pamella.

Ni ibirori byasusurukijwe mu buryo bwa Kinyarwanda aho Itorero Inganzongari ryabyinnye rikanaririmbira Abageni n’abashyitsi. Abahanzi bagezweho muri iyi minsi Chriss Eazy, Shemi na Okkama batunguye The Ben na Pamella babaririmbira Rahira imaze imyaka 13 igiye hanze. Ni indirimbo The Ben yakoranye na Liza Kamikazi wanatashye ubu bukwe.

Meddy utahabonetse yatanze ubutumwa mu mashusho, avuga ko bitamukundiye kuhagera kubera impamvu zinyuranye.

Ati “Akazi n’ibindi bitandukanye byatumye ntaboneka. The Ben na Pamella turabashyigikiye. Mbifurije kugira ubukwe bwiza, urukundo ruzabe rwinshi. Imana izabahe Umugisha”.

Umuhanzo wo muri Tanzania, Diamond Platnumz na we yifurije The Ben na Pamella kuzagira urugo rwiza no kwibaruka.

Mu bandi bifurije urugo rwiza aba bageni harimo Ommy Dimpoz wasobanuye ko amaze imyaka myinshi ari inshuti na The Ben na Pamella.

Yabageneye ubutaka ku bwo afite iwabo i Zanzibar nk’impano.

Ati “Mfite ubutaka i Zanzibar mbahayeho igice kuko ndabakunda”.

Umubyeyi wa Pamella na we yabasabiye umugisha ku Mana, abifuriza kuzagura urugo rwiza.

Ati “Pamellaa yambereye umukobwa mwiza azagire urugo ruhire”.

Umubyeyi wa Mama wa The Ben na we yavuze ko ashimira abantu bose basengeye ubukwe bw’abana babo.

Yasabye The Ben na Pamella kumufata nka mama wabo aho kumufata nka nyirabukwe.

Yabahaye impano ya Bibiliya ndetse abifuriza ijuru.

Ibirori byo kwakira abatumiwe byaranzwe no gutanga impano no kubyina dore ko hari abahanzi benshi.

Ommy Dimpoz na Producer Clement baganira

Umuhanzi Shemi usanzwe ari mwishywa wa The Ben yasusurukije abantu mu bukwe bwa Nyirarume

Yvanny Mpano na Dj Bob bicaye mu myanya y'imbere muri Kigali Convention Centre

Uwamahoro Malaika yari mu bitabiriye ubukwe bwa The Ben na Pamella

The Ben na Pamella basutse Champagne yo gutangiza ibirori byo kwakira abitabiriye ubukwe bwabo

The Ben na Pamella binjiye ibitwenge ari byose

The Ben na Pamella ubwo batangizaga ibi birori byabereye muri Kigali Convention Centre

The Ben na Pamella bafashe ifoto y'urwibutso na Gen (rtd) James Kabarebe

The Ben na Pamella basukirwa Divayi yo gutangiza ibi birori

The Ben na Pamella ubwo binjiraga muri KCC

The Ben yabanje kwitera igitambaro giherekeza ikote, yinjira afashe ikiganza cya Pamella

The Ben yari yishimye bidasanzwe

The Ben yageze ubwo afatanya na Niyo Bosco gutaramira abitabiriye ubu bukwe

The Ben yanyujijemo yibutsa abitabiriye ko ari umwe mu bahanzi bashoboye umuziki

The Ben yanyuzagamo akunama akabyina gato

The Ben yashimiye Ommy Dimpoz witabiriye ubutumire bwe

Tom Close na David Bayingana basanzwe ari inshuti za hafi za The Ben bari mu bitabiriye ubu bukwe

Ubwo abaherekeje The Ben na Pamella binjiraga muri Kigali Convention Centre

Ubwo Itorero Inganzo Ngari ryinjizaga The Ben na Pamella muri Kigali Convention Centre

Ubwo Mama Pamella yafata ijambo mu bukwe bw'umukobwa we na The Ben

The Ben na Pamella basabye abitabiriye kuzamura ibirahure by'ibyo kunywa mu rwego rwo kwishimira ubu bumwe

Aha The Ben na Pamella bakataga umutsima

Muyoboke Alex wabaye umujyanama wa The Ben yari mu bitabiriye ubukwe bw'uyu muhanzi

Mwiseneza Josiane wamamaye cyane mu irushanwa rya Miss Rwanda 2019, ari mu byamamare byakereye ibi birori

Okkama, Chriss Eazy na Shemi ubwo bataramaga

Okkama, Producer Kooze, Producer Element na Rwiyemezamirimo Noopja n'umufasha we bitabiriye ubukwe bw'inshuti yabo The Ben

The Ben akaboko ka Pamella ntiyifuzaga kukarekura

The Ben na Pamella bacaniwe icyuma kirekura umwotsi kizwi nka 'Smoke Machine' ubwo binjiraga

Producer Bob Pro yitabiriye ubukwe bw'inshuti ye The Ben

Gen (rtd) James Kabarebe aganira na Jimmy Muyumbu, umuhanzi w'indirimbo zihimbaza Imana

Rtd Gen (rtd) James Kabarebe yitabiriye ubukwe bwa The Ben na Pamella

Gen (rtd) James Kabarebe yashimiye The Ben ku bw'urugendo rushya atangiye

Sadate Munyakazi n'umugore we batashye ubukwe bwa The Ben na Pamella

Olivis wahoze mu itsinda Active Again n'Umukinnyi wa Sinema Yvan bari mu bitabiriye ubukwe bwa The Ben na Pamella

Ommy Dimpoz aganira na Ishimwe Clement uyobora Kina Music

Ommy Dimpoz yatangaje ko ari inshuti ihambaye ya The Ben

Ommy Dimpoz yapfukamye arata amashimwe The Ben

Ommy Dimpoz yishimiye gutaha ubukwe bw'inshuti ye The Ben

Ommy yahaye ubutaka The Ben buherereye mu mujyi wa Zanzibar

Pamella mu ikanzu y'umweru n'indabo mu ntoki, yari akeye ku munsi w'ubukwe bwe

Pamella n'umugabo we The Ben bishimiye indi ntambwe bateye mu buzima

Abakinnyi ba Ruhago Rwatubyaye Abdul na Abed bari mu baje gushyigikira The Ben na Pamella

Baad Rama, Uncle Austin na Marina babukereye muri ubu bukwe

Cadette Umukundwa ugezweho ku mbuga nkoranyambaga mu Rwanda, yitabiriye ubukwe bwa The Ben na Pamella

Chriss Eazy ugezweho mu ndirimbo 'Bana' yaririmbiye The Ben

Christelle Kabagire ukorera RBA ari mu bitabiriye ubu bukwe

Dimpoz ubwo yasuhuzaga Pamella

Israel Mbonyi na David Bayingana bitabiriye ubukwe bwa The Ben na Pamella

Jack B afatana ifoto na The Ben

K8 Kavuyo ari mu byamamare byitabiriye ubukwe bwa The Ben

Liza Kamikazi na The Ben baganira

Munyakazi Sadate wabaye umuyobozi wa Rayon Sports, ari mu bitabiriye ibirori byo kwakira abatumiwe mu bukwe bwa The Ben na Pamella

Abakobwa bagize itorero Inganzo Ngari ubwo bari bari kuririmba

Amafoto: Salomon Nezerwa & Yuhi Irakiza Augustin