Iri duka ryiswe ‘Sahorn’ ryatashywe ku mugaragaro mu mpera z’icyumweru gishize, mu muhango wari witabiriwe n’abantu batandukanye barimo n’abamurika imideli bazwi mu Rwanda.

Mu kiganiro na IGIHE, umubyeyi wa Babo, Murorunkwere Sandrine yavuze ko bafashije umwana wabo gufungura iduka ry’imideli ricuruza amasakoshi n’inkweto by’abakobwa, mu rwego rwo kwagura ibikorwa bye no kurushaho kumukundisha u Rwanda.

Ati “Babo ni umwana wibera i Burayi, yakuriyeyo ariko nk’umubyeyi mparanira ko atazibagirwa u Rwanda nk’igihugu cye. Ni muri urwo rwego rero twanamufashije gufungura iri duka kuko ni kimwe mu bikorwa bikomeye agiye kuba ahafite.”

Uyu mubyeyi yavuze ko bitewe n’uko umwana akiri muto, nk’ababyeyi bazamufasha gukurikirana ibi bikorwa bye kugeza ubwo azaba akuze.

Yavuze ko impamvu bahisemo kumushingira iduka ry’imideli ari uko abikunda.

Ati “Uretse njye ukunda ibyo kumurika imideli, Babo asanzwe ari umwana ubikunda kandi burya umwana umuha icyo akunda.”

Iri duka riherereye ahazwi nka RWANDEX i Gikondo mu Mujyi wa Kigali. Babo arifunguye nyuma y’iminsi mike asohoye indirimbo ‘Lose you’ afatanyije na Ariel Wayz.

M Izzo na Papa wa Babo bafashe ifoto ubwo bari mu birori byo gutaha iduka ry'uyu muhanzikazi

Babo yari yatumiye Ariel Wayz baherutse gukorana indirimbo

Ariel Wayz na M Izzo ni bamwe mu nshuti za Babo yari yatumiye

Mama wa Babo (uri hagati) yari yatumiye inshuti ze muri uyu muhango

Babo n'ababyeyi be ubwo bafunguraga iduka ry'imideli i Gikondo

Abamurika imideri bari batumiwe muri ibi birori

Umuhanzikazi Asinah akaba inshuti ya Babo nawe yari yatumiwe muri ibi birori

Bari kwitegereza inkweto n'amasakoshi ari muri iri duka

Umubyeyi wa Babo yafatanye ifoto n'abamurika imideri bari muri ibi birori