Mukamusana Clarisse uzwi nka Sergent Clarisse ni umuririmbyi n’umuhanzi w’Umunyarwandakazi wavutse mu 1986 akaba akora mu Rwego rw’Igihugu Rushinzwe Imfungwa n’Abagororwa (RCS).

Yavukiye mu karere ka Huye mu Ntara y’Amajyepfo ari naho yize amashuri abanza (Butare Catholique), ayisumbuye ayiga muri Groupe Officiel de Butare (Tronc Commun) akomereza icyiciro cya kabiri muri GSP (Groupe Scolaire des Parents).

Icyiciro cya mbere cya Kaminuza yakize muri ISP Bukavu (Institut Superieur Pedagogique de Bukavu).

Sgt Clarisse aririmba indirimbo zijyanye n’ibikorwa RCS imaze kugeza ku Rwanda, akanaririmba ku gihugu cyane mu ndirimbo zijyanye n’intwari, icyunamo ndetse n’ubuzima busanzwe.

Ubu Sgt Clarisse akorera kuri Gereza ya Muhanga mu Ntara y’Amajyepfo.