00:00:00 IGIHE NETWORK KN KINYARWANDA EN ENGLISH FR FRANCAIS

NEP Djs igiye kujya isusurutsa abakunzi b’injyana ya EDM

Yanditswe na Mukahirwa Diane
Kuya 15 July 2022 saa 02:02
Yasuwe :

Itsinda ry’abasore babiri bibumbiye muri NEP Djs, bateguye igitaramo ngarukakwezi cyiswe ‘The Rave Party’, bazajya basusurukirizamo abakunzi b’injyana ya Electronic Dance Music (EDM).

Iri tsinda ryamenyekanye mu kuvanga imiziki itandukanye mu Rwanda rigizwe na Dj Habs na Dj Berto. Iki gitaramo kizatangira ku wa 23 Nyakanga 2022 kuri Pégase Resort Inn iherereye ku musozi wa Rebero.

Iki ni igitaramo ngarukakwezi kizajya kiba buri wa Gatandatu wa nyuma w’ukwezi. Iri tsinda rizajya ricuranga imiziki isanzwe gusa bagire umwanya w’isaha wo gucuranga EDM mu gushimisha abakunzi b’iyi njyana.

Mu kiganiro na IGIHE, Dj Habs yavuze ko bateguye iki gitaramo kugira ngo bafashe abakunda ubwoko bw’iyi njyana kugira ngo n’abatayizi bayimenye.

Ati “Ahanini ni ugushimisha abakunzi ba NEP DJs n’abakunzi b’umuziki muri rusange ariko hakabamo umwanya wihariye w’abakunda EDM/House Music.”

EDM izwi nka dance music, club music cyangwa simply dance ruba ari uruhurirane rw’imiziki iri mu mujyo wa electronic, ikoreshwa cyane n’abavanga imiziki mu tubyiniro.

Injyana ya EDM mu mpera zo mu myaka ya 1980 no mu ntangiro za 1990 nibwo yatangiye gukundwa mu bihugu by’i Burayi. Haza kuza izindi ziyishamikiyeho nka Dance-pop, House, Techno, Trance, Drum & Bass, Dubstep na Trap n’izindi.

Dj Habs na Dj Berto biyemeje gukundisha Abanyarwanda injyana ya EDM
NEP Djs yiyemeje kujya itegura ibitaramo ngarukakwezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .