Iyi ndirimbo kuri ubu ni iya 20 kuri ‘Billboard U.S Afrobeats Songs’. Ni ubwa mbere indirimbo y’umuhanzi nyarwanda ije kuri uru rutonde yaba iyo yahuriyemo n’undi muhanzi wo hanze cyangwa se iye wenyine.
Uru rutonde rukorwa na Billboard buri cyumweru ku bufatanye na Afro Nation. Indirimbo yabaye iya mbere kuri uru rutonde ni "Love Nwantiti (Ah Ah Ah)" ya CKay wo muri Nigeria, ku wa 29 Werurwe 2022 ubwo uru rutonde rwakorwaga ku nshuro ya mbere.
Kuri ubu indirimbo iyoboye uru rutonde ni iy’Umunyafurika y’Epfo Tyla ukomeje guca ibintu ku Isi iheruka no kumuhesha igihembo cya Grammy Awards. Iyi ni iyo yise ‘Water’.
Uretse ‘Water’ ya mbere izindi ndirimbo ziri ku rutonde zirimo “Calm Down’’ ya Rema na Selena Gomez ya kabiri, “Truth or Dare’’ ya Tyla ya gatatu, “Me & U” ya Tems ya kane, “People’’ ya Libianca ya gatanu, “Tshwala Bam’’ ya TitoM, “City Boys’’ ya Burna Boy ya karindwi na “Talibans II’’ ya munani, “Commas’’ ya Ayra Starr ya cyenda ndetse na “Angels In Tibet’’ ya Amaarae ya 10.
Debuts on the Billboard US Afrobeats Songs Chart (Mar. 30)…
#19 @KizzDaniel Showa
#20 @BruceMelodie When She’s Around
#22 @KizzDaniel Sooner
#24 @Odumodublvck_ 100 Million
#28 @BellaShmurda Loner— ChartsAfrica (@chartsafrica) March 26, 2024
Uretse kuba iri mu myanya iri imbere kuri ’Billboard U.S Afrobeats Songs’ iyi ndirimbo ya Bruce Melodie na Shaggy ni n’iya munani kuri “Billboard World Digital Song Sales”.
Bruce Melodie amaze iminsi muri Amerika aho akomeje ibikorwa byo kumenyekanisha “When She’s Around(Funga Macho)’’ afatanyije na Shaggy.
Baheruka kugaragara mu kiganiro Good Morning America (GMA) cya Televiziyo ya ABC News, kiri mu biganiro bya mu gitondo bikunzwe cyane muri Leta Zunze Ubumwe za Amerika.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!