00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yayoboye Inama y’Abaminisitiri yitezwemo ingamba nshya zo kwirinda Covid-19

Yanditswe na IGIHE
Kuya 12 June 2021 saa 06:07
Yasuwe :

Perezida wa Repubulika, Paul Kagame, yayoboye Inama y’Abaminisitiri yitezwemo ingamba nshya zo kurwanya icyorezo Covid-19 cyongeye kwaduka mu gihugu.

Ubutumwa bwatangajwe n’Ibiro by’Umukuru w’Igihugu buvuga ko iyi nama iza kwiga ku ngingo zitandukanye zirimo n’ingamba zo kurwanya Covid-19.

Iyi nama ibaye mu gihe hashize iminsi irenga irindwi ubwandu bwongeye kuzamuka mu gihugu.

Uhereye nka tariki 5 Kamena, habonetse ubwandu 49, bigeze ku itariki ya 6 Kamena haboneka ubwandu 34 n’umuntu umwe wapfuye, ku wa 7 Kamena habonetse abantu 62 banduye, bigeze ku wa 8 Kamena haboneka 127 n’abantu bane bapfuye.

Ubwandu bwakomeje kwiyongera umunsi ku wundi aho ku wa 9 Kamena bwari 114 n’umuntu umwe wapfuye, bigeze ku wa 10 Kamena abanduye na bwo bariyongera baba 112 n’umuntu umwe wapfuye.

Mu gihe kirerekire, hongeye kuboneka abanduye barenga 200 aho mu bizamini byafashwe ku wa Gatanu tariki 11 Kamena bari 202 mu gihe abapfuye bo ari babiri.

Kuva ku itariki 1 Kamena 2021, mu Rwanda hamaze kugaragara ubwandu bwa Covid-19 ku bantu 899 mu minsi 11 gusa.

Muri iyi minsi kandi ni na bwo hagaragaraye impfu nyinshi ku munsi umwe, zari enye, zaherukaga kugaragara nanone ku wa 15 Mata 2021. Ni mu gihe ubwandu burenze 200 bwaherukaga kugaragara ku wa 05 Mata 2021 kuko uwo munsi hari habonetse abantu 202 banduye.

Kuva icyorezo cya Covid-19 cyagaragara mu Rwanda, hamaze kugaragara ubwandu 27.863 mu gihe abapfuye bo ari 368. Abamaze gukira ni 26.351 naho abakirwaye ni 1.153.

Iyi nama yitezweho ingamba nshya zo kurwanya Covid-19
Minisitiri w'Imari n'Igenamigambi, Dr Uzziel Ndagijimana aganira na Minisitiri w'Ikoranabuhanga na Inovasiyo, Ingabire Paula
Minisitiri w'Ingabo, Gen Maj Albert Murasira aganira n'Umunyamabanga wa Leta muri Minisiteri y'ubutabera, Amb. Solina Nyirahabimana n'Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe Umuryango wa Afurika y’Iburasirazuba, Prof Nshuti Manasseh

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .