Iki kigo cyagaragaje ko iPhone 12 iyo itari gukoreshwa n’umuntu, ikoresha ingufu nyinshi z’imirasire yangiza [Radiation], bituma ihita inakurwa ku isoko ryo mu Bufaransa. Iyi mirasire yifashishwa mu gukoresha imiyoboro y’itumanaho nka WiFi n’iyindi.
Ikigo Agence Nationale des Frequences cyatangaje ko iyo umuntu atari gikoresha iyi telefoni [urugero iteretse nko ku meza cyangwa ku buriri], kubera gukoresha ingufu nyinshi z’imirasire yangiza, bituma itakaza umuriro mwinshi cyane kuruta uko umuntu yaba ari kuyikoresha.
Apple yatangaje ko biterwa n’uko muri telefoni zayo hashyirwamo ikoranabuhanga rya ‘Body detection’ riyifasha kudakoresha ingufu nyinshi z’imirasire yangiza mu gihe umuntu ari kuyikoresha cyangwa iri hafi y’umubiri w’umuntu, bigatuma muri cya gihe iba idakoreshwa itakaza umuriro mwinshi.
Nk’uko ubutumwa bwanyujijwe ku rukuta rwayo, Apple yatangaje ko iki kigo cyo mu Bufaransa cyirengagije iri koranabuhanga. Icyakora ngo igiye gushyira hanze telefoni nshya za iPhone 12 zidafite iri koranabuhanga ku buryo zizajya zihora zikoresha ingufu nke z’imirasire yangiza.
Apple yatangaje ko nubwo bimeze bityo iPhone 12 nta mpungenge iteye kandi yakomeza igakoreshwa nta kibazo kuko mbere yo gushyirwaho ku isoko iba yakorewe amasuzuma atandukanye, kandi hamejwe ko nta kibazo ifite.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!