00:00:00 IGIHE NETWORK KN KINYARWANDA EN ENGLISH FR FRANCAIS

Turahirwa washinze Moshions yahishuye impamvu yize ibijyanye n’imideli mu Butaliyani

Yanditswe na Uwiduhaye Theos
Kuya 9 January 2022 saa 06:06
Yasuwe :

Turahirwa Moses washinze inzu y’imideli ya ‘Moshions’ uheruka gusoza icyiciro cya gatatu cya kaminuza mu bijyanye no guhanga imideli, yahishuye impamvu yahisemo kwiga mu Butaliyani.

Turahirwa yasoje ibijyanye na ‘Masters in collection design’, mu ishuri rya Polimoda.

Uyu musore yabigarutseho mu kiganiro yagiranye na Vogue Italy. Yavuze ko impamvu ari iki gihugu yagiye kwigamo ari uko yashakaga kwiga mu ishuri mpuzamahanga.

Ati “Nashakaga kwiga ariko narebye ishuri mpuzamahanga. Kuri Polimoda [ishuri yizemo] ntabwo nabonye ubumenyi buhambaye gusa mu kwiga ahubwo nagutse mu buryo butandukanye.”

“Mu ishuri ryanjye mu banyeshuri 19 baryigagamo, hari harimo abafite ubwenegihugu burenga icumi. Nashakaga kwaguka kandi ntekereza ko u Butaliyani bwamfashije.”

Mu mpera za 2020 nibwo Turahirwa yerekeje mu Butaliyani mu ishuri rya Polimoda ryigisha ibijyanye n’imideli.

Nyuma y’igihe akurikirana amasomo ye, tariki ya 9 Ukwakira 2021, nibwo aya masomo yayasoje muri iri shuri riherereye mu Mujyi wa Florence.

Turahirwa yashinze inzu y’imideli ya ‘Moshions’ mu 2015. Iyi nzu imaze kuba ubukombe mu guhanga imyambaro itandukanye ikunzwe n’abatari bake. Imyambaro iheruka iyi nzu yashyize hanze ni iyo bise ‘Imandwa Collection SS 22’.

Aha Turahirwa yari ari kumwe n'abanyeshuri biganye
Turahirwa yavuze ko yagiye kwiga muri iri shuri ashaka kwaguka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .