Mu bari n’abategarugori ho hatsinze Iradukanda Odylle usanzwe afite inzu y’imideli ya ODILEIRA DESIGN ikora imyambaro itandukanye.

Ibi birori byabaye kuri uyu wa Gatandatu tariki ya 23 Ukwakira 2021, byabereye kuri ONOMO Hotel bitegurwa n’umunyamakuru wa ISIBO TV, Uwamwezi Mugire uzwi nka Bianca.

Byari ibirori byitabiriwe n’abantu b’ingeri zitandukanye biganjemo ibyamamare bizwi mu Rwanda. Buri wese waserutse wabonaga yakoze iyo bwabaga ngo ahatambukane umucyo.

Abitabiriye bacaga kuri ‘Red carpet’ bakiyereka akanama nkemurampaka kari kagizwe na Muhire Patrick, washinze inzu y’imideli yitwa Inkanda House ndetse na Gatarayiha Angelique ufite inzu y’imideli ya Isha Collection.

Kuri ‘Red carpet’ haciyeho abantu basaga 50 bambaye imyambaro itandukanye haba abayikoreye ndetse n’abayikorewe n’abanyamideli bo mu Rwanda. Mu baserutse kimwe cya kabiri cyari cyambaye ‘Made in Rwanda’.

Nyuma yo kwiyereka akanama nkemurampaka, habayeho gutoranya abagabo batandatu batambutse barimbye kurusha abandi ndetse n’abari n’abategarugori barushije abandi.

Nyuma yo gutoranya aba nibwo bahisemo babiri bahize abandi, mu bagabo hatoranywa Kabano Franco waserutse yambaye ikote n’ipantalo byadozwe n’Inkanda House.

Mu bagore hatowe Iradukunda Odylle wari wambaye ikanzu yitiriye Bianca Fashion Hub yakorewe mu nzu ye y’imideli.

Aba batsinze banejejwe no kuba bahawe ibihembo kuko byabafashe igihe cyo gihitamo imyambaro bazaserukana none ubu babashije kwegukana igihembo.

Iradukunda Odile yagize ati “Gutsinda bisobanuye ikintu kinini kuri njye, naje nta bitekereza ariko byabaye. Biranshimishije cyane kuko ubu bigiye gutuma nagura ibikorwa byanjye.”

Mu gufitamo abatsinze akana nkemura mpaka kagendeye ku bintu bitandukanye birimo ubwoko bw’umwenda uwaserutse yambaye n’uburyo ukozwemo ndetse n’uko uwambaye yigaragaje.

Muhire Patrick wari mu kanama nkemurampaka, yavuze ko mu gutoranya barebye abambaye imyambaro myiza igaragara neza ndetse n’ibyo bayijyanishije n’uko bitwaye kuri ‘Red carpet’.

Ku ruhande rwa Bianca wari wateguye ibi birori yavuze ko yishimye kubona abantu baje ari benshi kandi barimbye byatumye agira imbaraga zo kuzakomeza gutegura ibi birori.

Yagize ati “Ndumva nishimye, ndumva ibintu nabonye byandenze ndashima Imana n’undi muntu wese witabiriye Bianca Fashion Hub.”

Abatsinze bahawe ibihembo birimo itike y’indege yo gutembere muri Nairobi cyangwa Mombasa, bahabwa icupa rya Champagne ya Moët ndetse bazahabwa imyenda na Inkanda House.

Bianca yaserutse mu kanzu yakozwe na Isha Collection

Alliah Cool ari mu bashije Bianca gutegura ibi birori

Buri muntu yacaga kuri Red Carpet yiyereka akanama nkemuramoaka

Byari ibirori byitabiriwe n'abambaye imyambaro itandukanye

Hagaragaye imideli itandukanye muri ibi birori

Hari uwasohotse mu myenda ikozwe mu idarapo ry u Rwanda

Imyenda yaragaye muri Bianca Fashion Hub imyinshi yakorewe mu Rwanda

Iradukunda Odylle yatowe mu bagore bari bambaye neza

Kabano Franco yabaye umugabo wahize abandi kwambara neza

Mariya Yohani yari yaje gushyigikira Bianca

Miss Clemance yaserutse mu myambaro yo kwa KAZEMU

Papa Cyangwe n'umunyamideli Tukasa umwambika bitabiriye Bianca Fashion Hub

Tidjara Kabendera mu banyuze kuri Red Carpet

Tracy na Mc Buryohe nibo bayoboye ibirori

Uyu mwambaro nyirawo yawutekereje agendeye ku ikanzu umuhanzikazi Beyonce yambaye mu 2019

Abagabo bahize abandi kwambara neza

Abatsinze banyuzwe n'ibihembo bahawe

Abitabiriye ibirori bari banezerewe

Akanama nkemurampaka karebeye ku mwambaro ndetse n'uko uwambaye yitwaye kuri Red Carpet

Batandatu mu bakobwa bahize abandi kwambara neza

Byari ibyishimo kuri Bianca n inshuti ze

Kabano yari yambaye imyenda yakozwe na Inkanda House

Umusobanuzi wa filime Rocky Kirabiranya ari mu bitabiriye ibirori

Senderi yari yitabiriye nka Ambasaderi wa Ingufu Gin Ltd yari umuterankunga mukuru

Amafoto: Ella_studios