Ni umuhango wabereye mu busitani bwitwa Mez Park buri mu Murenge wa Kinyinya, mu gitondo cyo kuri iki Cyumweru tariki 31 Werurwe 2024.

Young Junior yakoze ubukwe bwa Kinyarwanda bwujuje umuco, aho yasabye anakwa Vanessa Munyororo bamaze igihe bakundana. Byari ibihe birimo imvura ku buryo no gusohora umugeni byasabye kwitwaza umutaka kugira ngo atanyagirwa.

Nubwo byari mu mvura ntabwo byabujije imiryango yombi kuza gushyigikira abana babo batangiye urugendo rushya rwo kubana nk’umugore n’umugabo.

Young Junior azwi mu ndirimbo za mbere ya 2015 aho yagiye akora indirimbo zikamamara cyane bitewe n’ubuhanga yari afite mu kwandika. Abakurikira umuziki nyarwanda bibuka izirimo; Ishyamba si ryeru, Kure y’imbibi, Umucakara w’ibihe yakoranye na Diplomat n’izindi.

Young Junior yaherukaga gusezerana mu mategeko na Vanessa Munyororo mu muhango wabaye ku itariki 21 Werurwe 2024, mu Murenge wa Nyarugenge, mu mujyi wa Kigali.

Nyuma y’umuhango wo gusaba no gukwa, Young Junior na Vanessa basezeranye imbere y’Imana mu muhango wabereye muri Paroisse Marie Auxiliatrice-Kimihurura

Misa yo gushyingira Young Junior na Vanessa Munyororo yasomwe na Padiri mukuru wa Paroisse Marie Auxiliatrice-Kimihurura, Augustin Cesar Habanabakize. Korali yaririmbiye abageni yitiriwe Mutagatifu Yohani Pawulo wa II (Chorale Saint Jean Paul II) ikorera ubutumwa muri iyi paruwasi.

Vanessa yasabwe anakobwa na Young Junior

Vanessa n’abakobwa bamuherekeje

Vanessa yasabwe mu muhango waranzwe n'imvura

Nina Vanessa yari afite akanyamuneza

Young Junior yahobeye Vanessa akimara kumuhabwa n'umuryango

Young Junior yasezeranyije Vanessa kuzamubera umugabo w'indahemuka

Young Junior na Vanessa bari bishimye cyane

Young Junior na Vanessa bari bishimiye ko bagiye gutangira urugendo rw'ubuzima barikumwe

Young Junior na Vanessa bagiye kubana nk'umugabo n'umugore

Young Junior na Vanessa hamwe na parrain na marraine babo

Young Junior yasezeranyije Vanessa kuzamubera umugabo w'indahemuka

Vanessa na marraine we

Ubukwe bwari bwitabiriwe n'imiryango yo ku mpande zombi

Mez Park i Kinyinya ni naho bambariye mbere yo gusaba no gukwa

Ababyeyi bishimiye intambwe yatewe na Vanessa na Young Junior

Padiri Cesar yasezeranyije Young Junior na Vanessa

Young Junior yeretse abantu bose bari muri Kiliziya ko yamaze gusezerana na Vanessa

Young Junior na Vanessa baherekejwe n'inshuti n'imiryango mu isezerano ryabereye muri Kiliziya

Young Junior na Vanessa basabiwe umugisha n'ababyeyi bafatanyije na Padiri

Vanessa yeretse abakobwa bamuherekeje ko yamaze guhitamo Young Junior

Amafoto: Dukundane Ildebrand