Ni umunsi watangiye kwizihizwa ku Isi mu 1983 nyuma yo kwemezwa n’Ishami ry’Umuryango w’Abibumbye rishinzwe Ubumenyi n’Umuco (UNESCO). Intego y’uwo munsi ni ubukangurambaga ku kamaro k’urunyuranyurane rw’imico y’ikiremwamuntu, n’impamvu ari ngombwa gukora ibishoboka byose ngo imico itandukanye ibungabungwe binyuze mu bihangano n’ubugeni.

Umujyi wa Kigali ni umwe mu ikomeje gushyirwamo ibibumbano bitandukanye byiganjemo ibivuga ku mateka, ubukerarugendo, imibereho y’Abanyarwanda n’ibindi.

Kuri uyu munsi, IGIHE yateguye amafoto amwe agaragaza bimwe mu bibumbano biryoheje ijisho biri hirya no hino mu Mujyi wa Kigali.

Kimwe mu bibumbano biri ku ngoro y'amateka y'urugamba rwo guhagarika Jenoside ku Kimihurura

Ikibumbano gishushanya umusirikare wa RPA wari uri hejuru y'Ingoro y'Inteko Ishinga Amategeko ahanganye n'ingabo za Leta yakoraga Jenoside

Ikibumbano kiri ku ngoro y'amateka y'urugamba rwo guhagarika Jenoside kigaragaza uburyo ingabo za RPA zarokoraga abicwaga

Ikibumbano kigaragaza uburyo ingabo za RPA zahanganye n'izakoraga Jenoside. Aha ni abasirikare babiri bari bari hejuru y'Inteko umwe ari kurasa undi amushyiriramo amasasu

Ikibumbano kigaragaza Umunyarwandakazi giherereye mu masangano y'umuhanda hafi ya Radisson Blu Hotel na Kigali Convention Centre

Iki kibumbano kigaragaza agaciro k'umugore mu muco nyarwanda

Ingagi ni inyamaswa y'agaciro gakomeye mu bukerarugendo bw'u Rwanda

U Rwanda rufite umwihariko wo kuba rumwe mu bihugu mbarwa ku Isi bisigaranye ingagi zo mu misozi

Kubungabunga ingagi biri mu biza imbere mu nzego zishinzwe kwita ku rusobe rw'ibinyabuzima mu Rwanda

Inzu zakira ba mukerarugendo nka hotel muri Kigali uhasanga akenshi ibibumbano biryoheye ijisho kandi bikoranywe ubuhanga

Ikibumbano cy'Impala ucyinjira muri hotel Impala

Ahazwi nko ku Kabindi ku Kimihurura, hagaragazwa n'ikibumbano kimeze nk'akabindi ka Kinyarwanda

Akabindi gafite amateka akomeye mu muco Nyarwanda. Niko kifashishwaga mu birori, kagashyirwamo inzoga abantu bagasangira, bagasabana

Mu masangano y’imihanda ahazwi nka Sonatubes mu Karere ka Kicukiro, hari ikibumbano kigaragaza abantu batatu bahimbawe, babyina imbyino gakondo

Uyu mukaraza yitegeye umuhanda uturuka mu Bugesera

Ibi bihangano byakozwe n'umunyabugeni Bushayija Pascal

Ikibumbano kigaragaza Umunyarwandakazi ashayaya

Hashyizwe camera zicunga umutekano ahari ibi ibibumbano

Uyu mukaraza yambaye amayugi yambarwa n'intore

Umushayayo ni imbyino iranga ibyishimo by'Abanyarwanda n'urugwiro bahorana

Umukaraza ku murishyo w'ingoma yahimbawe

Aba babyinnyi bareba mu byerekezo binyuranye

Iki kibumbano cyubatswe hagati mu busitani