Amakuru IGIHE ifite ni uko uyu Sandra Teta yageze mu Rwanda ku wa 10 Kanama 2022 ari kumwe n’abana be babiri yabyaranye na Weasel.

Ni nyuma y’ubuvugizi bwakorwaga n’abantu b’ingeri zitandukanye yaba ku mbuga nkoranyambaga, mu itangazamakuru ryo mu Rwanda no muri Uganda. Ni byo byatumye umuryango wa Teta ujya i Kampala kugira ngo ufashe umukobwa wabo gutaha.

Bivugwa ko ubwo Se wa Sandra Teta yageraga i Kampala, yavuganye n’umwana we, bakemeranya ko agomba gutaha kuko nawe ari byo yashakaga cyane ko ngo yari yarabuze uko yava iruhande rwa Weasel.

Mu minsi ishize hasohotse amafoto agaragaza Teta Sandra yakubiswe bikomeye ndetse hanahishurwa andi y’uko yaba asanzwe akubitwa bikomeye na Weasel.

Kuva aya mafoto yasohoka, abantu banyuranye bahagurukiye rimwe batangira kwamagana ihohoterwa Weasel yakoreraga umugore we.

Ibi bibazo byavutse mu gihe Teta Sandra na Weasel bari bamaze iminsi bagaragaje ko bari mu myiteguro y’ubukwe bari batangaje ko buteganyijwe mu minsi iri imbere.

Teta Sandra yatashye mu Rwanda nyuma y'iminsi ababyeyi be bagiye kumushakisha muri Uganda

Hari haherutse gusohoka amafoto y'ihohoterwa Teta Sandra yakorewe mu gihe cyashize

Teta Sandra yarahohotewe ku rwego rw'uko acika n'ibisebe

Hano Teta Sandra yerekanaga inkoni yakubiswe na Weasel

Mu 2021 ubwo Teta Sandra yari yahohotewe n'umugabo we Weasel

Ubwo Teta Sandra aherutse gukubitwa nibyo byahagurukije abantu bamagana ihohoterwa akorerwa